Lagështia e lartë relative e ajrit bënë që sot të ndjehet i nxehti veror shumë më shumë se realisht, megjithatë temperaturat kanë shënuar rritje. Temperaturat reale ka arritur deri në 28 gradë Celsius në lindje të Kosovës, ndërsa ndjesia e të ngrohtit është sikur temperatura të jetë 32 gradë Celsius.
Në Shqipëri temperaturat kanë arritur deri në 30 gradë Celsius, ndërsa ndjesia është dukshëm më e lartë.
Pasdite si zakonisht presim destabilizim të atmosferës sidomos në Kosovë ku priten zhvillime dhe rrebeshe lokale shiu me vetëtima dhe bubullimë. Për shkak të temperaturave të larta mund të konveksione të fuqishme të vranësirave që fare lehtë mund të kushtëzojnë breshër në ndonjë rajon.
Foto: Meteociel
Reshjet do të jenë tipike verore ku një rajon përfshihet nga ndonjë rrebesh shumë i fuqishëm e rajone tjera me reshje më të pakta, ndërsa në disa rajone nuk përfshihen fare nga reshjet.
Mot i ngjashëm do të mbajë edhe ditëve të ardhshme, ndërsa rrebeshet e shiut do të fillojnë të përfshijnë edhe bregdetin herë pas here, megjithatë nuk do të mungojnë periudhat kohore me diell./METEOBALLKAN
