Cikloni i cili solli reshje në shumë pjesë të Evropes dhe Ballkanit ka shkaktuar ulje të temperaturave në Kontinent rreth vlerave normale pasiqë javët e kaluara ishin shumë të nxehta për këtë periudhë kohore.
Në viset malore këto ditë pati reshje bore duke filluar nga Alpet italiane, zvicerane, gjermane dhe austriake, pastaj në bjeshkët e Pirinejeve të Iberisë po ashtu pati reshje të dendura bore si dhe në malet e Sllovenisë, Kroacisë, Bosnjës dhe Hercegovinës, Malit të Zi dhe Bullgarisë. Në zonat mesatare dhe të ulëta pati reshje lokale shiu.
Temperaturat në Kontinent sot janë rreth vlerave mesatare në shumicën e vendeve evropiane, ndërsa siç mund të vëreni në fotografinë kryesisht me ngjyrë të kaltër janë temperaturat e ulëta që kanë përfshirë shumë pjesë të Rusisë dhe Skandinavisë dhe kjo është shenjë se dimri ka filluar të marrë formë në këto vende. Temperatura pranverore ende gjenden në jug dhe jugperëndim të Spanjësm jug të Francës dhe po ashtu edhe në Turqi.
Gjatë ditëve të ardhshme do të ketë rritje të temperaturave në Itali dhe rritje kryesisht të lehta në Ballkan, ndërsa fundjavën e ardhshme sipas të gjitha gjasave do të kemi një masë të ftohtë ajrore e cila nga verilindja e Evropes do të zhvendoset drejt rajonit tonë duke kushtëzuar reshje të reja shiu dhe ulje të temperaturave./MeteoBallkan
