Temperatura relativisht të larta kanë përfshirë përsëri Evropen, ndërsa vendi më i nxehtë sot është Spanja me rreth 36 gradë Celsius, pasuar nga jugu i Rusisë, jugu i Hungarisë dhe veriu i Serbisë.
Edhe në Shqipëri dhe Kosovë kemi rritje të temperaturave krahasuar me ditët e kaluara dhe kemi edhe zagushi për shkak të lagështisë së lartë relative të ajrit.
Gjatë ditëve të fundjavës temperaturat do të shënojnë rritje të mëtutjeshme, por nuk pritet nxehtësi ekstreme dhe po ashtu vende-vende do të ketë gjasa për freskim për shkak të vranësirave dhe rrebesheve të izoluara me bubullima.
Fundi i Gushtit pritet të karakterizohet me ulje kryesisht të lehta të temperaturave dhe stuhi lokale./MeteoBallkan
