Thatësira e jashtëzakonshme që po përjetojmë aktualisht ka privuar nga uji shumë komuna dhe është një tragjedi për fermerët tanë, ekosistemet dhe biodiversitetin tonë, tha Born në një deklaratë.
Ai theksoi se parashikimi i motit tregon se vala e të nxehtit do të vazhdojë edhe për 15 ditët e ardhshme, gjë që mund ta bëjë situatën edhe më shqetësuese, raporton france24.
Njësia e qeverisë për situatat e krizës do të jetë përgjegjëse për monitorimin e zonave më të prekura dhe koordinimin e masave, si furnizimi me ujë të pijshëm.
Ai do të monitorojë gjithashtu ndikimin e thatësirës në prodhimin e energjisë, infrastrukturën e transportit dhe bujqësinë në Francë.
Për shkak të thatësirës, është e mundur të zvogëlohet prodhimi i energjisë në termocentralet bërthamore që përdorin ujin nga lumenjtë për të ftohur reaktorët.
Në Francë, kufizimet në përdorimin e ujit janë tashmë në fuqi në 62 rajone për shkak të mungesës së shiut. /Telegrafi/
