Një tifoz i PSV Eindhoven hyri në fushën e lojës dhe u përpoq të sulmonte portierin e Sevilla.
Por, gjërat nuk shkuan sipas planit, pasi Marko Dmitrovic iu kthye dhe e shtriu përtokë tifozin, derisa të vinin punonjësit e sigurisë së stadiumit dhe ta merrnin me vete.
Pas ndeshjes, portieri i Sevilla tha: “Nuk më ka ndodhur kurrë diçka e tillë. Nuk dua të flas sepse nuk dua të them atë që mendoj. Më vjen mirë që arrita ta zmbraps dhe më vjen mirë që u përmbajta sepse mund të kishin ndodhur shumë gjëra në atë moment. Donte të më godiste, është për të ardhur keq që kjo gjë ndodh në një fushë futbolli. UEFA duhet të ndërhyjë”.
PSV fitoi 2-0, por u eliminua pasi kishte humbur ndeshjen e parë në Spanjë me rezultatin 3-0.
