Një burrë ra në një vullkan joaktiv, pasi u u rrëzua nga skaji i Liqenit të Kraterit në Oregon. Ai ra në 240 metra thellësi, ndërkohë që u shpëtua nga punonjësit dhe u transferua menjëherë në spital, transmeton Reporteri.net.
Punonjësit e Parkut Kombëtar paralajmëruan vizitorët se skajet buzë kraterit janë të brishta dhe të pasigurta dhe se ata që u afrohen duhet të kenë shumë kujdes.
“Çdo vit, dikush afrohet shumë pranë shkëmbit dhe bie, gjë që shpesh rezulton në plagosje të rënda ose vdekje. Ekipi ynë i shpëtimit është trajnuar për situata të tilla, por shpëtimi ndonjëherë mund të zgjasë me orë të tëra”, njoftuan ata.
Krateri i këtij vullkan jo aktiv është rreth 600 metra i thellë dhe është liqeni më i thellë në Shtetet e Bashkuara dhe i nënti më i thelli në botë.
Liqeni i Kraterit është një formë gjeologjike që krijon vullkani kur shpërthen në vetvete. Të ashtuquajturat kaldere mund të mbushen me ujë, dhe pastaj formohen Liqenet e Karterit.
