Liqeni i Ohrit është një nga liqenet më të mëdha në Gadishullin Ballkanik dhe llogaritet si një nga liqenet më të vjetra në botë.
Ai gjendet në një lartësi mbidetare prej 695 metrash dhe ka një sipërfaqe prej 349 km². Pika më e thellë e liqenit është 289 metra. Pjesa më e madhe e liqenit i përket Maqedonisë, kurse pjesa tjetër i përket Shqipërisë.
Më poshtë Gazeta Metro ju sjellë 6 fakte që s’i keni ditur për këtë liqen:
1. Është liqeni më i vjetër i kontinentit, i vlerësuar si mbi 4 milionë vjet i vjetër.
2. Është një nga liqenet më të thella në Evropë, me një thellësi maksimale prej gati 300 m.
3. Në vitin 2010, NASA e quajti një nga liqenet e Titanit (hënën më të madhe të Saturnit) me emrin e liqenit të Ohrit.
4. Uji i Liqenit të Ohrit është jashtëzakonisht i qartë me transparencë që shkon deri në një thellësi prej 22 metrash.
5. Liqeni i Ohrit është shtëpia e shumë kafshëve endemike, të cilat vijnë vetëm në ujërat e tij. Në liqen rriten 40 specie të rralla, ndër më të njohurat dhe ekonomikisht më të rëndësishmet është peshku i pastër i llojit Salmo letnica, (Korani), “Salmothimus ohridanus”,(Belushka).
6. Liqeni u krijua nga një shembje e tokës. Këtë e vërtetojnë aktivitetet e shumta tektonike si dhe ekzistenca e një mali prej 100 metrash nën nivelin e liqenit.
