Pas “zbutjes” afatshkurtër të acarit Siberik në Kosovë, ulja e sërishme e temperaturave është vetëm çështje kohe. Pasi që kemi ciklonin në verilindje të Evropës i cili i është afruar rajonit tonë, në kuadër të ciklonit gjendet edhe fronti i nxehtë ajror dhe kjo ka bërë që acari të “zbutet” pak, megjithatë menjëherë pas frontit të nxehtë e kemi frontit e ftohtë po ashtu në kuadër të këtij cikloni. Fronti i ftohtë do të depërtojë dhe do të shkaktojë rifillimin e erëra mesatarisht të fuqishme veriore.
Kjo do të jetë fillimi i uljes së re të temperaturave ku dita e nesërme pritet të jetë jashtëzakonisht e ftohtë me temperatura maksimale afër minus 5 gradë celsius. Temperaturat minimale natën mes së hënës dhe të martës do të bien nga minus 10 deri në minus 17 apo minus 18 në viset më të larta malore. Megjithatë edhe kjo nuk do zgjasë shumë sepse të mërkurën kemi ciklonin e ri me reshje të dendura bore i cili do të ndikojë përsëri në zbutjen e acarit Siberik.
Informacione tjera në postimet tona të ardhshme në meteballkan.com./Meteoballkan.
