Ka pothuajse një javë që në Karaibe dhe Amerikën Qendrore kemi Stuhinë e fuqishme Tropikale e cila si Uragan i kategorisë 1 dhe 2 ka goditur Nikaraguan dhe Hondurasin, duke shkaktuar dëme të mëdha materiale dhe viktima të shumta njerëzore. Në këto dy shtete të Amerikës Qendrore kanë vdekur të paktën 250 njerëz si pasojë e Uraganit Eta e cila për disa ditë më radhe si Stuhi Tropikale ose Depresion Tropikal shkaktojë reshje të rrëmbyeshme shiu dhe erëra shkatërruese atje. Pas dobësimit të Stuhisë Eta në kontakt me ujin e nxehtë në Gjirin e Meksikës Stuhia u riorganizua dhe arriti përsëri fuqinë e uraganit dhe tani pritet të godasë Floridën në jug-juglindje të Shteteve të Bashkuara të Amerikës.
Florida gjatë 24 orëve të ardhshme do të goditet nga stuhi të fuqishme shiu, reshje të rrëmbyeshme, tornado etj.. Më së keqi do e pësojë pjesa jugperëndimore e Floridës, ndërsa pastaj uragani Eta përsëri pritet të dobësohet si Stuhi ose Depresion Tropikal duke rrugëtuar përgjatë bregut lindore të Shteteve të Bashkuara të Amerikës, pra përgjatë tërë lindjes të Amerikës priten reshje intensive dhe stuhi të fuqishme shiu./Meteoballkan
