Uragani Leslie goditi Portugalinë këtë mëngjes me erëra prej 176 km / h, të cilat përmbysën pemët dhe i lanë qindra mijëra njerëz pa energji elektrike.
Uragani që u nis nga Oqeani Atlantik më 23 shtator, u bë një stuhi post-tropikale kur arriti në bregun portugez herët këtë mëngjes. Alarmi i kuq u shpall në pjesën më të madhe të Portugalisë.
“Aktualisht është një stuhi post-tropikale që tashmë është në veri të vendit ku do të vazhdojë të bjerë shi, por situata do të kthehet shpejt në normalitet”, tha presidenti i Institutit meteorologjik të Portugalisë, Mirza Miranda, për agjencinë e lajmeve Luz, njofton MeteoBallkan.
Dhjetëra mijëra njerëz mbetën pa energji elektrike dhe dhjetëra të tjerë u detyruan të largoheshin nga shtëpitë e tyre. Zonat më të prekura janë Lisbona, Leroy dhe Coimbra në qendër, ku shumë incidente lidhen me pemë të shkulura, çati të dëmtuara ose përmbytje të vogla.
Në Spanjë, shërbimi meteorologjik Aemet parashikon që rajonet e Asturias, Leon dhe Cantabria do të preken veçanërisht nga shirat emëdha që solli stuhia në veri.
Spanja ka qenë kohët e fundit e goditur nga shirat e mëdhenj në Majorka, ku 12 vetë u mbetën të vdekur në përmbytje të martën. /MeteoBallkan
