Uragani Michael goditi Floridën në fillim tetorit, duke sjellë shkatërrime të mëdha në atë rajon si pasojë e erërave të fuqishme dhe shiut të madh. Stuhia përmbyti komunitetet dhe rrafshoi shtëpitë.
Stuhia e fuqishme zbuloi gjithashtu një pjesë të historisë: rrënojat e të paktën një dhe pothuajse dy anijeve të shekullit të 19-të.
“Këto rrënoja janë jashtëzakonisht mirë të dokumentuara dhe të mirëkuptuara”, tha Sarah Revell, drejtoreshë e komunikimeve në Departamentin e Shtetit të Floridës, për AccuWeather, njofton MeteoBallkan.
Këto anije kanë qenë kryesisht të palëvizshme që kur u përmbytën nga Uragani Carrabelle në vitin 1899, ose rreth 120 vjet më parë.
Vlerësimi i dëmit nga uragani Carrabelle arriti në $ 1 milion dollarë, duke përfshirë gati 60 anije të shkatërruara plotësisht.
“Ato janë ekspozuar disa herë më parë dhe tashmë janë hartuar dhe hulumtuar shkencërisht,” tha Revell.
Carrabelle Boat Club publikoi fotografi nga Andrew Smith për rrënojat, duke i përshkruar ato si “histori të zbuluara” nga stuhia. /MeteoBallkan
Burimi: AccuWeather
