Nga sot fillon fillon vala e re e nxehtësisë verore e cila është plotësisht normale për këtë periudhë kohore nga gjendemi ende para mesit të stinës më të nxehtë të vitit. Temperaturat kanë shënuar rritje dhe kjo po vërehet shum qartë sot që nga paradita.
Mbi rajonin tonë po dominojnë fusha ajrore stabile anticiklonike të cilat përpos nxehtësisë na sigurojnë edhe ditë të kthjellëta dhe me shumë rreze diellore. Kulminacioni i të nxehtit pritet nesër dhe pasnesër ku temperaturat në rajonin e gjerë temperaturat pritet të arrijnë deri në 40 – 42 gradë Celsius. Në Kosovë 37 gradë Celsius në nivel vendi, në Maqedoni deri 40, po ashtu edhe në Shqipëri dhe Mal të Zi pritet shifra 40 gradë Celsius.
Në anën tjetër nga Evropa kemi tentimin e depërtimit të masave ajrore të freskëta por pa sukses. Këto masa të freskëta do të arrijnë të depërtojnë deri në Slloveni dhe pjesërisht edhe Kroaci, Bosnjë dhe Serbi duke kushtëzuar stuhi të fuqishme lokale në fund të javës. Edhe në Kosovë të premtën priten rrebeshe lokale shiu me vetëtima, bubullimë dhe mundësi për breshër. Të shtunën rrebeshet pritet të jenë më të përhapura dhe më të fuqishme. Rrebeshe të fuqishme të shtunën priten edhe Maqedoninë Veriore dhe disa vise kontinetale të Shqipërisë.
Në kohën e rrebesheve normalisht pritet freskim i motit, por nuk priten ulje të theksuara të temperaturave./Meteoballkan
