Sot ka filluar vala më e re e nxehtësisë tropikale në disa pjesë të rajonit tonë, ndërsa nga dita e nesërme kjo valë nxehtësie do të kapë shumicën e territoreve të rajonit tonë.
Kjo valë nxehtësie është tërësisht normale sepse ende jemi në mes të stinës së verës dhe nuk pritet të jetë esktreme, megjithatë mund të jetë pak e pakëndshme për disa persona.
Temperaturat maksimale do të arrijnë nga 32 deri në 36 gradë celsius dhe kështu do të jenë disa ditë me radhë.
Vala e nxehtësisë do të përfshijë Kosovën, Shqipërinë, Maqedoninë e Veriut, Malin e Zi, Greqinë etj, pra kjo valë nxehtësie do të koncentrohet kryesisht në Gadishullin Ballkanik apo Evropen juglindore. Temperaturat maksimale do të jenë mbi 30 gradë celsius disa ditë me radhë, kurse ulje të lehta të temperaturave mund të kemi nga dita e enjte ose e premte në disa pjesë të rajonit tonë kur mund të kemi edhe ndonjë rrebesh të izoluar shiu pasditeve me vetëtima dhe bubullimë.
Sidoqoftë ne do tju mbajmë të informuar për ecuritë sinoptike në postimet tona të përditshme./Meteoballkan
