Vala e nxehtësisë ka qenë prezente në Evropë tash e disa ditë por me sa duket në fund të javës, në disa pjesë të Evropës, më saktësisht Spanjë dhe Portugali, po vjen një valë tjetër e nxehtësisë ekstreme që mund të sjellë temperatura mbi 50 gradë Celsius!
Dita e djeshme ishte shumë e nxehtë në të gjithë Evropën qendrore, jugore dhe jugperëndimore. Në Spanjë janë regjistruar temperatura prej 40 gradë Celsius. Në Gjermani po ashtu janë matur temperatura prej 38 gradë Celsius ndërsa në Portugali 41 gradë.
Edshe në veri të Evropës po regjistrohen temperatura ekstreme. Në Norvegji temperaturat kanë arritur deri në 31 gradë gjersa në Suedi 34 gradë. Megjithëse pritet rënie e lehtë e temperaturave në këtë zonë, Finlanda e Jugut dhe Suedia presin temperatura mbi 30 gradë Celsius edhe nesër.
Një valë e nxehtësisë ekstreme në gadishullin e Pyrenees
Faqja meteorolologjie Severe Weather Europe njoftoi se vala ekstreme e nxehtësisë po vjen në gadishullin e Pyrenees dhe se temperaturat do të arrijnë pothuajse 50 gradë. Temperaturat e larta priten veçanërisht në disa pjesë të Spanjës perëndimore dhe në pjesët qendrore të Portugalisë.
