Cikloni i fuqishëm në këto momente po shkakton furtuna të fuqishme në Bsonjë dhe Hercegovinë dhe Serbi. Vojvodina është bllokuar fare nga reshjet e shumta dhe të dendura të borës. Cikloni ka filluar të lëvizë në drejtim të Greqisë duke afruar lagështinë e tij deri në kufi me Kosovën.
Gjatë orëve të ardhshme priten reshje shiu të cilat në mbrëmje ose afër mesnatës do të kalojnë në reshje herë pas here të dendura bore edhe në Kosovë dhe esktremin verior dhe verilindor të Shqipërisë. Shtresa bore do të krijohen edhe në Kosovë gjatë natës dhe mëngjesin e nesërm, kurse sa iu përket centimetrave do ta dijmë më saktë në mbrëmje. Në Kroaci reshjet e borës kanë filluar të ndërpriten dhe gjatë të ardhshme do të ndërpriten edhe në Bosnjë por ato do të vazhdojnë me intensitet të fuqishëm në veriun e Malit të Zi dhe Serbi. Në Bsonjë raportohet edhe për viktima në njerëz gjatë kësaj stuhie të fuqishme bore. Në Shqipëri vazhdojnë reshjet e dendura lokale të shiut si dhe rrebeshet lokale me vetëtima dhe bubullimë. Nesër gjatë ditës pritet që reshjet të ndërprehen në tërë rajonin kurse na pret një natë mjaft e ftohtë dhe me minusa por asgjë ekstreme. Reshje shiu dhe bore do të ketë edhe në Maqedoni por me intensitet shumë më të ulët./Meteoballkan.
