Sot në Kosovë do të mbajë mot me vranësira të dendura dhe me reshje shiu. Reshjet e shiut herë pas here mund të jenë të dendura. Temperaturat do të fillojnë të pësojnë ulje graduale si pasojë e fillimit të depërtimit të masave ajrore të ftohta nga veriu i kontinentit. Erërat do të ndryshojnë drejtim sidomos nga mbrëmja dhe do të fillojnë të fryjnë nga drejtimi i veriut.
Në Shqipëri edhe sot mot me vranësira rë dendura dhe reshje të herëpashershme shiu. Vende-vende do të ketë edhe rrebeshe të fuqishme lokale shiu me vetëtima dhe bubullimë.
Edhe në Maqedoni sot mot kryesisht i vranët dhe me reshje shiu sidomos pasdite dhe në mbrëmje.
Reshjet në rajon do të vazhdojnë edhe gjatë natës në të mërkurën ku pritet që reshjet e shiut të kalojnë në reshje bore fillimisht në viset kodrinore-malore.
Gjatë ditës së mërkurë do të kemi depërtimin përfundimtar të masave ajrore të ftohta me origjinë nga Poli Verior sidomos në territorin e Republikës së Kosovës ku priten edhe reshje bore. Reshje më të shumta bore do të ketë në verilindje të vendit dhe në viset kodrinore-malore. Do të ketë erëra mesatarisht të fuqishme dhe të ftohta nga ana e veriut. Në Shqipëri dhe Maqedoni reshjet do të ndërpritën sapo të ulën temperaturat. Reshje të pakta bore të mërkurën mund të ketë edhe në disa rajone të Maqedonisë dhe në ekstremet verilindore dhe juglindore të Shqipërisë. Temperaturat do të shënojnë ulje të theksuara në tërë rajonin.
Nga e entja do të mbajë mot i thatë dhe me mundësi që të kemi ngricat e para serioze për këtë sezonë dimërore.Meteoballkan
