Anticikloni rus ka lëshuar rrënjë dhe nuk e ka ndërmend të lëshojë pe. Edhe nesër por edhe ditëve të ardhshme pritet që të kemi mot të ngjashëm sikurse sot, me shumë diell, me temperatura retativisht të larta dhe thatë.
Përderisa ky mot ka përfshirë po thuajse shumicën e territoreve të Kontinentit Evropianë me përjashtim të Gadishullit Iberik, Ishujve Britanikë dhe ndonjë rajoni të Skandinavisë, tek ne vazhdon monotonia “meteorologjike” edhe për disa ditë me radhë.
Thatësia paraqet problem të madh këto ditë dhe kemi përshtypjen se kjo thatësi do të vazhdojë me të njëjtin intensitet edhe ditëve të ardhshme, pra askund në horizont nuk shihet se do të kemi të reshura atmosferike.
Informacione tjera do të kemi nesër gjatë ditës dhe të shpresojmë se do të kemi ndonjë ndryshim në daljet e nesërme të rezultateve të modeleve globale komjuterike për parashikim të motit/Meteoballkan.
