Përkundër ciklonit të dobët që ka arritur në rajonin tonë dhe po sjellë rrebeshe të izoluara shiu dhe freskim të herëpashershëm lokal, i nxehti afrikan është karakteristikë dominante në shumicën e territoreve të rajonit tonë dhe do të vazhdojë të jetë kështu edhe shumë ditë.
Pra edhe pse priten rrebeshe lokale shiu dhe freski afatshkurtër prapëseprapë i nxehti mbetet i qëndrueshëm dhe do të vazhdojë të jetë i rëndë për shkak të lagështisë së ajrit. Shumë rajone nuk do të preken nga rrebeshet e shiut sepse kemi të bëjmë me reshje tipike të izoluara verore.
Megjithatë rajone tjera do të flladiten herë pas here por e mira e kësaj është se mbrëmjet, netët dhe mëngjeset nuk pritet të jenë shumë të nxehta dhe dita ka filluar të shkurtohet.
Aryeja kryesore për këtë situatë sinoptike është cikloni i fuqishëm në Atlantik i cili shihet në foto dhe pikërisht ky ciklon do të shkaktojë depërtimin e ajrit të nxehtë afrikan në drejtim të rajonit tonë dhe Evropës gjatë mesit të javës së ardhshme. Cikloni do të qarkullojë lartë në Oqeanin Atlantik dhe do të jetë si magnet për masat ajrore të nxehta të cilat gjenden në Afriken Veriore dhe rajonin tonë dhe për këtë arsye këto masa ajrore të nxehta do të zgjerohen edhe në drejtim të Evropes./Meteoballkan
