Rajoni ynë për momentin është nën ndikimin e masave të fuqishme ajrore anticiklonike të cilat kushtëzojnë mot kryesisht të kthjellët dhe të nxehtë dhe si duket kjo gjendje sinoptike do të vazhdojë edhe ditëve të ardhshme me depërtime të rralla të ndonjë fronti të dobët ajror nga veriu dhe verilindja.
Siç duket muaji Shtator do të kompensojë pak a shumë “mungesën e verës” në viset tona kontinentale. Mot i ngjashëm, pra i nxehtë dhe stabil do të vazhdojë edhe ditëve të ardhshme, kurse të martën dhe të mërkurën mund të kemi ulje të lehta të temperaturave në disa vise në Kosovë dhe vranësira herë pas here. Rrallë në ndonjë rajon mund të ketë edhe ndonjë rigë shiu ose ndonjë rrebesh i izoluar shiu.
Përderisa ne po shijojmë ditë të nxehta verore Shtetet e Bashkuara të Amerikës javën tjetër i pret goditja e parë polare dimërore e cila do të sjellë stuhi të fuqishme shiu dhe dëbore si dhe “lëvizje” ekstreme të temperaturave./Meteoballkan
