Anticikloni jashtëzakonisht i fuqishëm me qendër në Britaninë e Madhe dhe Francë do të vazhdojë të ndikojë në kushtet meteorologjike në rajonin tonë ditëve të ardhshme. Pra, pritet mot kryesisht i thatë dhe me vranësira të cilat pritet të tërhiqën. Netët do të jenë të ftohta, ndërsa ditët relativisht të nxehta ditëve të ardhshme, përveç në ato rajone ku do të mbizotërojnë vranësirat e ulëta dhe mjegulla ku pritet të jetë më ftohtë.
Sa më shumë afrohet fundi i vitit aq më shumë “intensifikohet” lufta mes anticiklonit të fuqishëm Evropian dhe masave ajrore jostabile nga veriu dhe lindja. Natën e fundit të këtij viti siç kemi thënë edhe në postimet tona paraprake ende ka gjasa për reshje të dobëta lokale bore, por kjo do të varet shumë nëse anticikloni do të lejojë një gjë të tillë. Modelet ende nuk e kanë zgjidhur këtë enigmë. Gjithsesi duhet theksuar se disa rajone do të ketë reshje bore kurse në disa jo, por për të qenë krejtësisht të saktë duhet të presim edhe pak në mënyrë që tju tregojmë parashikimin përfundimtar për fundin e këtij viti dhe fillimin e Vitit të Ri./Meteoballkan.
