Tre persona janë zhdukur pasi një veturë me targa të Kosovës ka rënë në lumin Lepenc afër fshatit Orman të Shkupit, ka bërë të ditur Ministria e Punëve të Brendshme e Maqedonisë së Veriut.
Aksidenti ka ndodhur rreth orës 15:00, ndërsa një person është shpëtuar.
Për tre të tjerë, po vazhdojnë kërkimet.
“Sot rreth orës 15:00 është raportuar se në aksin rrugor Shkup-GP ‘Bllacë’ ka ndodhur një aksident trafiku ku është përfshirë një veturë Volkswagen me targa të Shkupit, e drejtuar nga B.B. nga Shkupi dhe një veturë BMW me targa të Kosovës, e drejtuar nga H.P. nga Kosova, e cila pas aksidentit ra në lumin Lepenc. Në BMW përveç shoferit ndodheshin edhe tre pasagjerë. “Një person është nxjerrë nga lumi dhe është transferuar në spitalin ‘8 Shtatori’, ndërsa për tre të tjerët janë në vazhdim e sipër”, shton policia, thuhet në njoftimin e MPB-së, raporton Alsat.
