Pas përmirësimit afatshkurtër të motit dhe rrezeve diellore të ditës së sotme, nesër do të kemi afrimin dhe ardhjen e ciklonit më të ri në Mesdhe. Ky ciklon do të kontribuojë në shtimin e menjëhershëm të vranësirave të cilat do të fillojnë të kushtëzojnë reshje lokale shiu në tërë rajonin.
Në viset kodrinore-malore do të ketë reshje shqote e bore. Me daten 1 Dhjetor do të kemi ulje të mëtutjeshme të temperaturave dhe vranësira të dendura të cilat për pasojë do të kushtëzojnë reshje të reja shiu të cilat do shndërrohen në reshje bore në shumë vise të Republikës së Kosovë sidomos në Rrafshin e Kosoves. Reshje të reja bore do të ketë në gati të gjitha viset kodrinore-malore të rajonit.
Të premten do të ketë përmirësim të kushteve të motit, ndërsa për fundjavë vranësira të reja na vijnë nga Mesdheu e reshje të reja shiu fillimisht në Shqipëri e pastaj në viset tjera./MeteoBallkan
