Nga Shqipëria në Kosovë sot pritet të arrijnë vranësirat të cilat do të sjellin stuhi lokale dhe rrebeshe shiu me vetëtima dhe bubullimë. Në këto çaste në Shqipëri ka rrebeshe të izoluara shiu dhe bubullima në disa rajone të vendit, ndërsa ma kalimin e orëve këto vranësira do të depërtojnë në drejtim të Maqedonisë së Veriut e Kosoves duke u intensifikuar dhe duke sjellur rrebeshe të fuqishme shiu me vetëtima dhe bubullimë ku ka gjasa edhe për breshër.
Gjatë mbrëmjes dhe natën pritet destabilizim i motit në bregdet me vetëtima që mund të duken spektakulare për syrin dhe kameren, ndërsa priten edhe rrebeshe të fuqishme shiu herë pas here.
Temperaturat do të shënojnë ulje ardhjes së rrebesheve të fuqishme, ndërsa rrebeshe shiu priten edhe të shtunën të cilat do të jenë edhe më të shpeshta dhe madje në disa vise edhe më intensive ku ka gjasa për vërshime afatshkurtra, por pa ndonjë rrezik të madh.
Rrebeshe lokale po më afatshkurtra priten edhe të dielën, ndërsa në bregdet moti do të fillojë të stabilizohet. Nga e hëna pritet përmirësim, por ende me gjasa për rrebeshe lokale shiu me vetëtima dhe bubullimë pasditeve vonë. Nga mesi i javes do të kemi rikthimin e vales së fuqishme verore./MeteoBallkan