Tani kemi “ikjen” e ciklonit në drejtim të Detit Egje dhe në rajonin tonë po shtrihet anticikloni i fuqishëm nga Skandinavia dhe Evropa Lindore. Ky anticiklon po na i sjellë me vehte edhe temperaturat polare dhe erërat e ftohta veriore.
Reshje lokale bore do të ketë edhe sonte në disa pjesë të Kosovës dhe ndoshta në ndonjë pjesë të Maqedonisë dhe Shqipërisë. Pastaj vjen kthjellimi i motit. Temperaturat do të pësojnë ulje të mëtutjeshme dhe ato minimalet netëve dhe mëngjeseve të ardhshme nëse do të jetë tërësisht kthjellët mund të shkojnë deri në -10 gradë celsius. Nëse do të ketë ndonjë vranësirë gjatë netëve të ardhshme atëherë acari do të jetë më i butë.
Nesër do të kemi mot me intervale kohore me diell dhe vranësira kalimtare të cilat rrallëherë mund të na sjellin ndonjë fjollë bore dhe se temperaturat në Kosovë vështirë se do të arrijnë 0 gradë celsius edhe në mesditë.
Informacione tjera më vonë në Meteoballkan.com
