Viti 2018 ka gjasa të jetë viti më i ngrohtë rekord në historinë e Gjermanisë njoftoi Shërbimi Kombëtar Meteorologjik i Gjermanisë (DWD) në një njoftim për shtyp, përcjell MeteoBallkan. Temperatura mesatare në vitin 2018 ishte 10.4 ° C , që do të thotë se ishte 2.2 ° C më e lartë se mesatarja e temperaturës midis viteve 1961-1990.
Viti më i ngrohtë me 10.3 ° C ishte viti 2014. Tetë nga nëntë vitet më të nxehta që nga viti 1881 kanë ndodhur në shekullin 21, tha DWD. “Ky përqendrim i jashtëzakonshëm i viteve të ngrohta tregon qartë se ngrohja globale nuk është e kontrolluar”, tha zëvendëspresidenti i DWD, Paul Becker.
Me më shumë se 2.000 orë dielli, viti 2018 ishte gjithashtu viti më i thatë që kur matjet filluan në vitin 1951 dhe një nga tre vitet më të thata që nga viti 1881.