Nesër në Gjirin e Gjenovës dhe Ballkanin Verior do të kemi depërtimin e ajrit të ftohtë dhe të lagësht nga veriu i kontinentit që për pasojë do të kemi krijimin e një cikloni të fuqishëm i cili nga Ballkani Verior do të lëviz në drejtim të juglindjes së Kontinentit apo në drejtim të vendeve tona.
Fillimisht në Slloveni, Kroaci, Bosnjë dhe Serbi do të kemi përkeqësim dramatik të motit me rrebeshe dhe reshje të rrëmbyeshme shiu me vetëtima, bubullimë, breshër dhe erëra të fuqishme. Kosova, Shqipëria dhe Maqedonia edhe nesër do të jenë në sektorin e nxehtë të masave ciklonike dhe për këtë arsye do të kemi mot të nxehtë edhe nesër dhe gjysmën e ditës së Diel. Por nesër në shumë pjesë të Kosovës, Shqipërisë dhe Maqedonisë do të kemi destabilizim të motit me rrebeshe lokale shiu. Këto rrebeshe shiu njihen në zhargonin meteorologjik si jostabilitete parafrontale pra para se të mbërrijë cikloni së bashku me frontin e fuqishëm të ftohtë ajror të dielen.
Pra nesër në Kosovë, Shqipëri dhe Maqedoni do të mbajë mot me diell dhe mjaft i nxehtë me erëra të nxehta jugore. Pasdite në shumë rajone priten zhvillim vranësirash vertikale të cilat lokalisht do të kushtëzojnë rrebeshe të fuqishme aftashkurtëra shiu.
Të dielën paradite do të kemi mot me intervale kohore me diell kurse pasdite do të kemi përkeqësim të motit me rrebeshe të fuqishme lokale shiu, vetëtima me bubullimë si dhe zbritje të ndjeshme të temperaturave. Reshjet në Kosovë mund të vazhdojnë edhe gjatë natës në të Hënën.
Edhe në Shqipëri dhe Maqedoni do të kemi rrebeshe të fuqishme lokale shiu dhe zbritje të temperaturave. Zbritja e temperaturave do te hetohet edhe në bregdet edhe pse edhe atje vende vende mund të ketë stuhi dhe zbritje temperaturash.
Të Hënën do të jetë më së ftohti dhe priten edhe reshje shiu sidomos në Kosovë dhe Maqedoni. Dita e Hënë shumë më shumë do ti përngjajë vjeshtës së vonshme se sa verës.
Nga e Marta pritet të kemi stabilizim gradual të motit.
