Pas shiut të bereqetshëm të ditës së djeshme sot atmosfera u stabilizua plotësisht ashtu siç kemi deklaruar në postimet tona të përditshme, ndërkaq një ciklon i ri do të fillojë të ndikojë motin menjëherë të premten.
Shtypja atmosferike do të bije menjëherë dhe kjo është shenjë e krijimit të ciklonit më të ri sekondar në Italinë veriore. Erërat jugore dhe jugperëndimore do të riaktivizohen dhe vranësirat e reshjet lokale të shiut po ashtu.
Reshje shiu së parti nesër pritet të ketë në Mal të Zi dhe Shqipëri dhe vranësirat e shiut do të vijnë nga deti. Pastaj, reshjet përfshijnë edhe Dukagjinin e Republikës së Kosovës dhe perëndimin e Maqedonisë së Veriut. Më vonë reshje shiu priten në gati tërë territorin e Shqipërisë, Kosovës, Maqedonisë së Veriut dhe Luginës së Preshevës.
Në viset bregdetare të Shqipërisë dhe Malit të Zi lokalisht nganjëherë priten rrebeshe intensive shiu me vetëtima dhe bubullimë. Reshjet në zonat kontinentale të Kosovës do të jenë të herëpashershme dhe të karakterit lokal. Të shtunën mund të ndodhë ndonjë rrebesh lokal me bubullima edhe në Kosovë, Maqedoninë Veriore dhe Luginë. Më uljen e temperaturave nganjëherë në viset e larta malore priten reshje të reja bore.
Cikloni largohet të shtunën në drejtim të Evropes lindore, ndërsa të dielën një tjetër masë ajrore ciklonike kalon shpejtë në Shqipëri dhe Maqedoni në drejtim të Greqisë dhe Turqisë
Edhe dita e diell do të jetë me intervale kohore me diell e vranësira të cilat në disa vise do të dendësohen dhe kushtëzojnë reshje të reja shiu sidomos në Shqipëri dhe Maqedoninë Veriore. Në viset më të larta malore priten reshje bore.
Sipas ecurive aktuale sinoptike edhe ditëve në vijim do të vazhdojë trendi i motit mjaft të ndryshueshëm.Viset e larta malore do të përfitojnë reshje bore dhe shtresa, ndërsa ky Nëntor mund të na sjellë reshjet e para borës edhe nëpër ultësira të Republikës së Kosovës./MeteoBallkan
