Fusha të fuqishme ajrore me presion të ulët atmosferik (Ciklon) do të krijohen afër veriut të Atlantikut, me qendër saktësisht mes Britanisë së Madhe dhe Skandinavisë dhe këto fusha ajrore nuk do të pengohen nga ndonjë anticiklon për të ushtruar trysni mbi Evropën, respektivisht rajonin tonë.
Me depërtimin e sistemeve frontale nga ky ciklon gjigand në drejtim të Alpeve dhe kalimin në Italinë Veriore si pasojë në Gjirin e Gjenovës do të krijohen disa vorbulla ciklonike një pas një. Në Italinë Veriore do të kemi ulje drastike të presionit atmosferik, ndërsa në juglindje në Greqi psh, presioni do të jetë i lartë dhe për këtë arsye do të ketë edhe erëra të fuqishme si rezultat i dallimit mes këtyre fushave barike. Erëra mjaft të fuqishme do të ketë në Shqipëri, ku të dielen pasdite vonë ato mund të arrijnë shpejtësinë uraganike deri 100km/h në jug të vendit. Erëra të fuqishme do të ketë pothuajse në tërë territorin shqiptar herë pas here. Nga erërat nuk do të shpëtojë as Kosova. Pra, para nesh disa ditë mjaft turbulente veçanërisht në Shqipëri ku mund të ketë edhe pasoja, ndërsa në viset tjera me më pak rrezikshmëri për pasoja eventuale.
Përpos erërave të fuiqishme në Shqipëri priten edhe reshje të fuqishme atmosferike. Reshjet më të dendura priten në veri dhe jug të vendit ku përmbytjet e reja janë pothuajse të pashmangshme. Reshje shiu priten edhe në Kosovë herë pas here, më intensive në perëndim, veriperëndim dhe jugperëndim të vendit. Në lindje, juglindje dhe verilindje të Kosovës nuk priten shumë reshje bazuar në ecuritë aktuale. Nëpër viset malore priten reshje të reja bore, ndërsa reshje bore nëpër ultësirat e Kosovës dhe Maqedonisë së Veriut i presim ditën e martë kur do të kemi depërtimin e ajrit të ftohtë polat nga veriu dhe veriperëndimi./Meteoballkan
