Sot në Kosovë dhe rajon po mbanë mot kryesisht me diell dhe i nxehtë, megjithatë në disa vise ka zhvillime vertikale të vranësirave të cilat po kushtëzojnë rrebeshe të izoluara, por të fuqishme shiu me bubullimë.
Zhvillimet e sotme janë krejtësisht lokale, por për shkak të temperaturave të larta në ato rajone ku ka zhvillime të vranësirave konvektive mund të ketë rrebeshe të fuqishme dhe breshër.
Përderisa sot po mbanë mot me zhvillime të izoluara dita e nesërme pritet të jetë krejtësisht ndryshe, ngase priten zhvillime të fuqishme anekënd rajonit tonë. Priten vranësira të dendura dhe rrebeshe lokalisht mjaft të fuqishme me shi, breshër, erëra kalimthi të fuqishme dhe vetëtima e bubullima të zhurmshme. Në bregdet më pak zhvillime.
Temperaturat maft të larta që po mbretërojnë sot nga nesër do të pësojnë ulje të lehta për shkak të vranësirave dhe shiut./MeteoBallkan