Në tërë rajonin tonë sot po mbanë mot kryesisht me diell, por në shumë zona ka edhe vranësira të cilat në disa zona kanë arritur të zhvillohen dhe të kushtëzojnë rrebeshe shiu siç po vërehet në juglindje dhe veriperëndim të Kosoves.
Cikloni i cili destabilizoi fuqishëm atmosferën tani është larguar, por në atmosferë ende kanë mbetur porcione të ajrit jo-stabil dhe për këtë arsye ende ka zhvillime të rrebesheve të izoluara me shkarkesa atmosferike, por shumica e territorit po kënaqet me mot kryesisht stabil.
Mot i ngjashëm pritet edhe orëve të ardhshme, pra në shumicën e territorit pa reshje, megjithatë në disa vise mund të ketë zhvillime, madje edhe të fuqishme. Gjendje e ngjashme sinoptike do të vazhdojë edhe ditëve të fundjavës, me zhvillime të mundshme vetëm në zona të caktuara dhe këto zhvillime mund të jenë të fuqishme dhe prodhojnë rrebeshe të fuqishme në ato zona. Në më shumë se gjysmën e terrtioreve tona nuk priten zhvillime. Predispozita më të forta për zhvillime kanë viset kodrinore-malore si veriu-veriperëndimi i Kosoves, pastaj juglindja dhe jugu, perëndimi i Maqedonisë së Veriut dhe viset kontientale të Shqipërisë. Edhe viset tjera mund të kenë zhvillime dhe rrebeshe afatshkurtra kryesisht të izoluara.
Fillimi i javës së re pritet të fuqizojë masat jo-stabile ajrore dhe për këtë arsye priten rrebeshe të fuqishme shiu me vetëtima dhe bubullimë./MeteoBallkan