Në veriperëndim nga Los Angjelosi po bënë kërdinë zjarret më të fuqishme në historinë e Kalifornisë. Janë duke u djegur rreth 100 000 hektarë pyje. Janë shkatërruar me mijëra shtëpi dhe objekte tjera ndërtimore, kurse zjarri ka “gëlltitur”tërë qytetin e quajtur Paradise.
Zjarri gjithashtu ka përfshirë shumë vila në Malibu dhe rrethinë. Janë evakuuar mbi 300 000 njerëz. Arsyeja e zgjerimit të zjarrit thuhet të jenë erërat fuqishme të ashtuquajtura “Santa Ana”të cilat arrijnë shpejtësinë deri në 80 km/h. Pasi që bëhet fjalë për erërat verilindore të cilat fryjnë në malet e larta, zjarret po zgjerohen në drejtim të Pacifikut kurse tymi shihet edhe nga qindra kilometra distancë përgjatë Pacifikut.
Deri më tani jetën kanë humbur të paktën 25 njerëz dhe janë djegur tërësisht mijëra shtëpi. Në mesin e personave të evakuuar janë edhe shumë aktorë të famshëm nga Holliwoodi./Meteoballkan
