Në Kosovë sot po mbanë mot me vranësira e intervale kohore me diell dhe probabiliteti për zhvillime të vranësirave të shiut është pothuajse 0, kurse mund të ndodhë ndonjë rigë ose rrebesh krejtësisht i izoluar shiu. Në Maqedoni ka pak më shumë probabilitet për zhvillime më të theksuara, por edhe ato mbesin të izoluara sikurse edhe në Mal të Zi.
Probabiliteti më i lartë për zhvillime konvektive sot ekziston në pjesët qendrore dhe jugore të Shqipërisë. Edhe atje zhvillimet do të jenë të izoluara, por dukshëm më të fuqishme dhe janë zhvillime tipike verore të karakterit lokal.
Dita e shtunë sjellë mot pothuajse të ngjashëm por me rritje të lehta të temperaturave. Parashihen më shumë intervale kohore me diell, ndërsa mbesin erërat e freskëta nga verilindja në fuqi. Orëve të pasdites zhvillime të vranësirave të shiut parashihen vetëm në jug dhe disa nga pjesët qendrore të Shqipërisë. Edhe këto zhvillime mbesin të izoluara, por disa nga to mund të jenë të fuqishme.
E diela sjellë një ndryshim të vogël në parametrat e mundshëm të zhvillimeve, ngase pasditen apo mbrëmjen e së dielës rrebeshe lokale shiu parashihen në disa zona të Kosovës, Malit të Zi dhe në veri e lindje të Shqipërisë. Temperaturat nuk do të pësojnë ndonjë ndryshim të madh. Në Kosovë maksimalja rreth 21 apo 22 gradë Celsius.
Rritje të ndjeshme të temperaturave pritet të kemi në gjysmën e dytë të javës së re./MeteoBallkan
