Në datën e sotme para 14 vitesh Uragani Katrina goditi Nju Orlleansin e Shteteve të Bashkuara të Amerikes duke shkatërruar gjithçka kishte përpara.
Uragani Katrina ishte uragani më i shtrenjtë (që i kushtoi më së shumti Amerikes) në historinë e uraganëve të Shteteve të Bashkuara të Amerikës dhe ishte në mesin e 5 uraganëve më vdekjeprurës në historinë e Shteteve të Bashkuara të Amerikes.
“Katrina” kishte shkaktuar vdekjen e të paktën 1833 personave në vërshimet katastrofike të shkaktuara nga reshjet dhe erërat e fuqishme dhe ishte uragani më vdekjeprurës që nga viti 1928. Dëmet materiale të cilat i atribuohen këtij uragani kalojnë shifren prej 100 miliardë dollarësh.
“Katrina” u formua afër Bahameve me 23 Gusht 2005 , përfshiu Floridën si uragan i kategorisë 1 dhe pastaj hyri në ujërat e ngrohta të Gjirit të Meksikes duke u fuqizuar në mënyrë rapide, arriti fuqinë e një “përbindëshi” të vërtetë, pra u bë uragan i kategorisë 5 që është kategoria më e fuqishme e stuhive tropikale në planetin tonë.
“Katrina” pastaj rrugëtoi në drejtim të Luizianës duke u dobësuar pak në katagorinë 3 por mjaftueshëm për të shkaktuar shira dhe erëra destruktive në Floridë dhe Teksas. Më së shumti e pësoi Nju Orlenasi ku u përmbyt mbi 80% e shtetit dhe u shkatërrua infrastruktura e tij. Uragani Katrina goditi Nju Orleansin me 29 Gusht 2005 si uragan i kategorisë 3 me reshje jashtëzakonisht të fuqishme dhe erëra të cilat arrinin shpejtësinë deri në 205km/h./Meteoballkan