Sot paradite në tërë rajonin tonë po mban mot i kthjellët, me diell dhe shumë i nxehtë. Ndjesia subjektive e të nxehtit është jashtëzakonisht e lartë dhe për këtë arsye i nxehti është mjaft i rëndë për tu përballuar.
Një front i ftohtë i dobët ajror do të depërtojë sot mbi rajon. Kontakti me ajrin e nxehtë që gjendet mbi rajonin tonë dë të shkaktojë destabilizim, vende-vende të fuqishëm të atmosferës në Kosovë. Fronti më së shumti do të ndjehet në territorin e Republikës së Kosovës dhe në Mal të Zi si dhe në ndonjë rajon kodrinoro-malor të Shqipërisë dhe Maqedonisë së veriut.
Në viset tjera të rajonit do të vazhdojë të mbajë mot shumë i nxehtë dhe me zagushim. Rrebeshet në Kosovë nuk do të jenë gjithëpërfshirëse, pra në disa rajone priten rrebeshe të fuqishme, kurse në ndonjë rajon mund të mos ketë asnjë pikë shiu. Nuk përjashtohet mundësia që vende-vende të ketë edhe ndonjë shtrëngatë lokale të fuqishme me breshër pasiqë ajri jostabil mund të reagojë “dhunshëm” në kontakt me ajrin shumë të nxehtë që gjendet tek ne./Meteoballkan
