Po afrohet shiu meteorik më spektakular i vitit i ashtuqujaturi Perseid i cili vije çdo vit gjatë muajit Gusht. Kulminacioni i shiut meteorik këtë vit do të jetë natën mes së hënës dhe së martës dhe në rajonin tonë kjo natë parashihet të jetë plotësisht e kthjellët.
Pak problem do të jetë hëna e plotë e cila do të ndriçojë një pjesë të mirë të natës. Entuziastët e spektakleve qiellore meteorike duhet të gjejnë një vend larg dritave urbane dhe të mundohen ti shmangen dritës së hënës e cila mund të jetë pengesë këtë vit sepse shumë meteorit nuk do të mund të shihen fare për shkak se shkëqimi i tyre do të jetë i pamundur të vërehet në driten e hënës.
Meteorët do të mund të shihen në të gjitha anët e qiellit dhe në kushte normale kur shiu meteorik arrin kulmin mund të shihen nga 50 deri 100 meteorë në orë. Entuziastët e flaktë të meteorëve mund të kapin dritat edhe këto netë, por kulminacioni i tyre do të jetë natën të cilën e cekëm më lartë./Meteoballkan
