Nesër në Kosovë do të mbajë mot shumë i nxehtë dhe me diell. Temperatura maksimale do të arrijë rreth 38 gradë celsius në nivel vendi.
Në Shqipëri nesër do të mbajë mot me diell dhe shumë i nxehtë. Temperaturat maksimale do arrijnë rreth 40 gradë celsius në nivel vendi.
Edhe në Maqedoninë Veriore dhe Mal të Zi nesër do të mbajë mot shumë i nxehtë dhe me diell me temperatura maksimale afër 40 gradë celsius.
Pasnesër dhe të martën në tërë rajonin do të vazhdojë të mbajë mot shumë i nxehtë dhe me diell me temperatura maksimale që pritet të arrijnë rreth 42 gradë celsius në Shqipëri dhe Maqedoni, 40 në Kosovë në nivel vendi. Të martën pasdite në veriun e malit të Zi priten rrebeshe lokalisht të fuqishme shiu me vetëtima dhe bubullimë.
Të mërkurën në Kosovë pas një paraditeje shumë të nxehtë, pasdite pritet destabilizim i motit, me zhvillime të vranësirave të cilat do të kushtëzojnë rrebeshe lokalisht të fuqishme shiu me vetëtima dhe bubullimë. Rrebeshe shiu priten edhe në veriun e Malit të Zi, Shqipërisë dhe në shumë pjesë të Maqedonisë së Veriut. Rrebeshet e shiut do të ulin apo freskojnë temperaturat.
Të enjtën në tërë rajonin do të kemi ulje të temperaturave dhe pritet mot më i këndshëm. Vende-vende priten rrebeshe shiu me vetëtima dhe bubullimë./Meteoballkan
