Siç kemi paralajmëruar disa ditë me radhe gjërat po shkojnë konf0rm gjendjes sinoptike e cila do të na sjellë reshje të konsiderueshme atmosferike në tërë rajonin tonë, veçanërisht në Shqipëri ku priten rrebeshe të herëpashershme të fuqishme shiu me vetëtima dhe bubullimë të cilat do të fillojnë të lajmërohen që nga sonte naten.
Reshje të dendura shiu do të ketë edhe në Kosovë veçanërisht në perëndim, veriperëndim, jugperëndim dhe qendër të vendit por duke mos përjashtuar as rajonet tjera. Reshjet do të jenë shumë të mirëseardhura pas thatësisë së madhe dhe të gjatë në rajonin tonë.
Vala e parë e reshjeve do të fillojë që nga sonte në Shqipëri për tu shtrirë në tërë rajonin gjtë dites së nesërme dhe do të përfundojë të premten kur do të kemi një pauzë të reshjeve atmosferike.
Vala e dytë e reshjeve do të fillojë të shtunën pasdite vonë për të vazhduar edhe gjatë nates dhe për tu ndërprerë të dielën.
Sipas ecurive aktuale sinoptike do të kemi edhe valen e tretë të reshjeve atmosferike nga dita e hënë por kjo mund të ndryshojë pasiqë janë shumë ditë në pyetje dhe nëse ndodhë ndonjë ndryshim eventual ne do tju lajmërojmë me kohë.
Sidoqoftë, nga nesër (e enjte) po hymë në një periudhë me mot jashtëzakonisht të ndryshueshëm, me reshje të shpeshta atmosferike, vende -vende mjaft të dendura, me ulje të temperaturave dhe do të kemi fjollat e para të dëbores në viset më të larta malore.
Për detaje do të njoftoheni në postimet tona të përditshme./Meteoballkan
