Këngëtarja Ellie Goulding, aktorja Imelda Staunton dhe modelja Daisy Loui, janë mes personaliteteve që shfaqen në videon, pjesë e fushatës së titulluar “Extintion Rebellion” (Rebelimi i zhdukjes), ku i kërkohet qeverive të bëjnë më shumë kundër ndryshimeve klimatike.
“Extintion Rebellion” nisi si fushatë një vit më parë në Londër, duke frymëzuar protesta në mbarë botën, duke kërkuar reduktime të emetimeve të karbonit dhe rimëkëmbjen e ekosistemit.
Video e re, e publikuar këtë të dielën, është krijuar në bashkëpunim me regjisorin Richard Curtis.
Në të shfaqen personazhe të famshëm të ekranit dhe jetës publike në Britani, nga mosha 8 deri në 80 teksa përcjellin mesazhin e masakrës që po i bëhet pyjeve dhe oqeaneve në mbarë botën, që gjithnjë e më shumë po rrezikojnë zhdukjen e specieve të rralla.
