Ky dimër ka filluar mjaft interesant për Kanadanë dhe disa pjesë të Shteteve të Bashkuara të Amerikës, kryesisht afër Kanadasë, pastaj pjesëve qendrore dhe lindore.
Një masë e fuqishme e ftohtë arktike nga Kanadaja do të depërtojë në drejtim të pjesëve veriore-qendrore të Shteteve të Bashkuara të Amerikës. Ky front i fuqishëm pastaj do të lëviz në drejtim të bregdetit lindor të SHBA-ve.
Para frontit do të vije deri të ngritja e ndjeshme e temperaturave në shtetet lindore të Amerikës, kurse pas frontit do të depërtojë ajri shumë i ftohtë me origjinë nga Arktiku. Kjo pritet të ndodhë gjatë javës nga 8 deri në 12 Dhjetor. I ftohti pritet të arrijë edhe në Nju Jork shkurtimisht nga mesi i javës.
Reshjet e dëborës do të jenë simbolike për shkak të mungesës së lagështisë por ajo çfarë do të karakterizojë këtë goditje janë temperaturat mjaft të ulëta dhe erërat e ngrira nga veriu.
