Një stuhi e fortë që ka fryrë pothuaj gjatë gjithë të premtes, ka shkaktuar një numër aksidentesh në Zvicrën Lindore, shkruan srf.ch. Policia e kantonit St. Gallen ka njoftuar se gjithsej gjashtë rimorkio kamionësh janë përmbysur në autostradat A1 dhe A3 në afërsi të lokaliteteve Thal dhe Flums, transmeton albinfo.ch
Askush nuk ka pësuar lëndime, por pjesët përkatëse të rrugëve është dashur të bllokoheshin plotësisht për të shmangur aksidentet tjera.
Për shkak të erërave të forta, policia e ka ulur kufirin e shpejtësisë në autostradën A1 përkohësisht në 60 kilometra në orë.
Erërat më të forta janë matur në Gütsch ob Andermatt, ku erërat ka arritur shpejtësinë prej mbi 190 kilometra në orë.
Policia kërkon që pjesëmarrësit në komunikacion në zonat e prekura të tregojnë më tepër kujdes gjatë ngarjes së makinave.
