Presioni i ajrit këto ditë në Evropë dhe tek ne është shumë i lartë, apo siç po e quajnë meteorologët ekstremisht i lartë. Kur presioni i ajrit është i lartë atëherë kemi të bejmë me masën ajrore anticiklonike apo më shkurt anticiklon siç njihet në zhargonin meteorologjik.
Me anticiklon zakonisht nënkuptojmë masa të thata ajrore, ndërsa e kundërta e anticiklonit është cikloni ose masa ajrore me presion të ulët atmosferik. Me ciklon zakonisht nënkuptojmë masa të lagshta ajrore të cilat shoqërohen me reshje atmosferike.
Këto ditë në Evropë kemi një anticiklon shumë të fuqishëm i cili nuk paraqet ndonjë ngjarje interesante, megjithatë për meteorologët apo shkencëtarët e meteorologjisë është fenomen mjaft interesant.
Psh. në Londër është regjistruar rekord sepse presioni i ajrit ka arritur shifër rekorde deri në 1.049 milibar dhe kjo për meteorologët britanik ka qenë një fenomen shumë interesant dhe ka pasur diskutime të gjëra. Sipas tyre presioni i ajrit është rritur shumë për shkak se në SHBA dhe Kanada kemi pasur një sistem ajror me presion shumë të ulët atmosferik dhe i cili ishte përgjegjës për stuhinë e fuqishme të dëborës në këtë pjesë të globit, dhe kjo tregon se sa të ndërlidhura janë masat ajrore globale. Masa ajrore me veti të njëjta sikur në Britani kemi edhe në Kosovë dhe rajon për momentin, pra presioni i ajrit është shumë i lartë. Në Evropë kemi dy qendra anticiklonike dhe që të dyja do të kalojnë përmes rajonit tonë dhe për këtë arsye është shumë thatë këto ditë. Këto masa shumë të thata anticiklonike pritet të dobësohen shumë në fundjavë dhe për këtë arsye e diela mund të na sjellë reshje shiu si në Shqipëri po ashtu edhe në shumë pjesë të Kosovës.
Për fund të theksojmë se presioni i lartë i ajrit nuk ka ndonjë efekt negativ në shëndetin e njeriut, ose të paktën nuk është provuar. Efekti negativ mund të vije nga ndotja e ajrit kur kemi masa ajrore stabile anticiklonike të cilat stacionohen për një kohë të gjatë në të njëjtin rajon.
So far Mumbles Head in Wales appears to have recorded the highest pressure during this current settled spell, with 1050.5 hPa earlier this evening. This remains a little short of the 1050.9 hPa recorded at Benbecula 16.1.1957, and the UK record of 1053.6 hPa, Aberdeen 31.1.1902 pic.twitter.com/Ep2Kmcx7wR
— Met Office (@metoffice) January 19, 2020
