Dita e parë e Marsit do të fillojë me ngritje të temperaturave në rajonin tonë. Priten intervale kohore me diell por edhe vranësira të herëpashershme si dhe erëra jugore. Pasdite vonë në veri të Shqipërisë, Mal të Zi dhe disa pjesë të Dukagjinit do të ketë gjasa për reshje shiu.
Nesër do të vazhdojë ngritja e temperaturave si pasojë e depërtimit të masave të ngrohta ajrore nga Mesdheu. Do të ketë intervale kohore me diell dhe vranësira të pakta, kurse erërat jugore do të vijnë duke u fuqizuar gradualisht në disa rajone.
Të martën do të kemi depërtimin e një cikloni nga Deti Adriatik (i ashtuquajturi Cikloni Gjenovian) në rajonin tonë. Priten reshje shiu, fillimisht në Shqipëri të cilat lokalisht do të jenë mjaft intensive. Pasditen e së martës reshjet e shiut do të fillojnë edhe në rajonin e Dukagjinit në Kosovë për tu zgjeruar pastaj gradualisht në tërë territorin e Republikës së Kosovës.
Të mërkurën në tërë rajonin do të kemi mot të vranët dhe me reshje shiu. Në viset malore do të ketë reshje bore. Temperaturat pritet të pësojnë ulje./Meteoballkan
