Nesër në Kosovë do të mbajë mot kryesisht i vranët dhe me reshje lokale shiu. Reshjet e shiut fillimisht do të nisin në Rrafshin e Dukagjinit, kurse në mbrëmje do të shtrihen në tërë territorin e Republikës së Kosovës. Herë pas here reshjet e shiut do të jenë të dendura.
Në Shqipëri nesër do të mbajë mot kryesisht i vranët dhe me reshje të dendura shiu. Reshje intensive shiu priten veçanërisht pasdite dhe në mbrëmje. Gjithashtu priten edhe rrebeshe të fuqishme lokale shiu me vetëtima dhe bubullimë.
Në Maqedoninë e Veriut nesër do të mbajë mot kryesisht i vranët, kurse pasdite vonë do të ketë reshje shiu. Në Mal të Zi nesër priten reshje mjaft të dendura shiu si dhe rrebeshe të fuqishme shiu me vetëtima dhe bubullimë.
Pasnesër në tërë rajonin do të jetë më ftohtë. Priten reshje lokale shiu, kurse në viset kodrinore-malore do të ketë edhe reshje bore. Në Shqipëri reshjet do të pushojnë gjatë ditës dhe priten intervale kohore me diell.
Të enjten në tërë rajonin pritet të kemi mot me intervale kohore me diell dhe vranësira./Meteoballkan
