Sot në Kosovë do të mbajë mot tërësisht i vranët dhe herë pas here me reshje shiu. Do të jetë mjaft freskët.
Në viset kodrinore-malore do të ketë reshje të herëpashershme bore. Gjatë orëve të mëngjesit të hershëm reshje dëbore ose të përziera me shi mund të paraqiten edhe në disa ultësira. Pasdite vonë dhe në mbrëmje reshjet pritet të pushojnë. Në Shqipëri, Maqedoninë Veriore dhe Mal të Zi do të mbajë mot me intervale kohore me diell dhe vranësira.
Do të jetë kryesisht thatë dhe freskët. Të mërkurën në tërë rajonin pritet stabilizim i motit dhe ngritje graduale e temperaturave. Përpos intervaleve kohore me diell pritet të ketë edhe vranësira kalimtare, kurse të enjtën dhe të premten do të kemi mot të vërtetë pranveror me shumë diell dhe ngritje të theksuara të temperaturave.
Në fundjavë do të kemi përkeqësim të kushteve të motit me reshje atmosferike dhe ulje të temperaturave./Meteoballkan
