Misteri i Trekëndëshit të Bermudës, mund të jetë zbuluar më në fund nga një grup meteorologjistësh.
Me dekada, disa zhdukje të pashpjegueshme kanë ndodhur në një hapësirë prej 500,000 km2, mes Majamit, Puerto Ricos e Bermudës.
Thuhet se ky trekëndësh është fajtor për humbjen e të paktën 1,000 jetëve, si dhe zhdukjen e rreth 75 aeroplanëve dhe qindra anijeve në 100 vitet e fundit.
Shkencëtarët tani pretendojnë se retë heksagonale (gjashtëkëndore) që krijojnë “bomba ajri”, të shoqëruara me erëra të fuqishme deri në 270 km/h, mund të jenë fajtore për qindra incidente të pazgjidhura në atë pjesë të detit.
Thuhet se stuhitë janë aq të fuqishme saqë anijet dhe aeroplanët mund të mbyten në det për pak sekonda apo minuta.
Kërkuesit kanë theksuar se këto re me gjerësi të madhe, janë evidentuar në anën perëndimore të ishullit Bermuda, me një gjerësi prej 30 deri në 90 kilometra.
Steve Miller, meteorolog në Universitetin Shtetëror të Kolorados, ka folur për “Science Channel” për këtë fenomen.
“Duke përdorur radarët satelitor për të parë se çfarë kishte në brendësi të këtyre reve të pazakonta, grupi kërkues ka gjetur se erërat e nivelit të detit po ashtu arrinin një shpejtësi të rrezikshme, duke krijuar valë deri në 13 metra të larta”, ka thënë ai.
Ndërkaq, meteorologu tjetër Randy Cerveny, ka thënë se retë heksagonale mbi oqean në realitet janë “bomba ajri”.
“Ato janë të formuara nga ajo që quhet minishpërthim dhe janë shpërthime të ajrit, që vijnë poshtë dhe pastaj godasin oqeanin”, ka shpjeguar ai.
Metereologist Randy Cerveny said the hexagonal shapes over the ocean “are in essence air bombs”.
Pastaj, sipas tij, faktorët natyror “krijojnë valë që shpeshherë mund të jenë masive kur të fillojnë ndërveprimin me njëra-tjetrën”. /MeteoBallkan/
