Temperaturat sot shënuan ngritje të theksuara në Gadishullin Ballkanik duke përfshirë edhe territoret tona ku përjetuam një ditë mjaft të bukur pranverore, kurse temperaturat maksimale arritën deri në 21-22 gradë Celsius në Kosovë.
Shumë më nxehtë ishte në disa pjesë tjera të Ballkanit si në Kroacinë lindore, Bosnjë dhe Serbi ku temperaturat maksimale varionin nga 22 deri në 25 gradë Celsius , por temperatura më e lartë sot u regjistrua në Serbi dhe arrit në hiç më pak se 27 gradë Celsius dhe kjo llogaritet një nxehtësi verore.
Mot i ngjashëm pritet edhe gjatë ditës së nesërme, por në rajon gjatë ditës pritet depërtimi i frontit të ftohtë ajror nga veriu dhe ulja e temperaturave. Në Kosovë fronti do të vije rreth mesnatës./Meteoballkan
