Autoritetet shëndetësore në Kinë kanë thënë se një bar i përdorur në Japoni për të kuruar gripin e zakonshëm, duket të jetë efektiv te pacientët e infektuar me koronavirus, kanë raportuar mediat japoneze të mërkurën.
Zyrtari i ministrisë së Shkëncës dhe Teknologjisë në Kinë, Zhang Xinmin, ka thënë se bari “Favipiravir” i krijuar nga një kompani vartëse e “Fujifilm”, ka prodhuar rezultate inkurajuese në testet klinike në Wuhan e Shenzhen, ku të përfshirë kanë qenë 340 pacientë, shkruan MeteoBallkan.
“Ka një shkallë të lartë të sigurisë dhe është dukshëm efektiv në trajtim”, u ka thën Zhang gazetarëve.
Pacientët të cilët kanë përdorur barin në Shenzhen kanë dalë negativ në testin e koronavirusit, vetëm katër ditë pasi që ata kishin dalë pozitiv, krahasuar me mesataren prej 11 ditësh që u duhet për t’u shëruar paceinetëve të cilët nuk e kanë përdorur barin, ka raportuar transmetuesi publik japonez NHK.
Po ashtu, testet me rreze X kanë konfirmuar përmirësime të dukshme në gjendjen e mushkërive te rreth 91 për qind e pacientëve që kanë marrë ilaçin “Favipiravir”.
Ndërkohë, kompania që e ka zhvilluar barin “Fujifil, Toyama Chemical” nuk është ngutur për të dhënë ndonjë koment rreth ilaçit tani shumë të nevojshëm në të gjithë botën.
Tashmë mjekët në Japoni janë duke e përdorur barin si pjesë e studimeve klinike te pacientët me koronavirus, me shpresën që do të parandalojnë përhapjen e virusit.
Megjithatë, burime të pakonfirmuara brenda ministrisë së Shëndetësisë në Japoni, kanë dhënë sugjerime se bari mund të jetë joefektiv te pacientët tek të cilët tashmë virusi ka shënuar progres të lartë.
“U kemi dhënë barin 70-80 pacientëve, por duket se nuk funksionon mirë kur virusi ka shënuar progres brenda organizmit”, i ka thënë ky burim gazetës “Mainichi Shimbun”.
Për të mundësuar përdorimin e “Favipiravir” për përdorim të gjerë, nevojitet leje e veçantë e Qeverisë, pasi që bari ishte menduar të përdorej në trajtimin e gripit të zakonshëm.
Një zyrtar shëndetësor i ka thënë gazetës se bari do të mund të aprovohej në muajin maj.
“Megjithatë, nëse rezultatet e studimeve klinike vonohen, aprovimi mund të shtyhet”, ka thënë ky zyrtar. /MeteoBallkan/
Burimi:Japanese flu drug ‘clearly effective’ in treating coronavirus, says China
