Sot në Kosovë pritet të mbajë mot kryesisht me diell dhe me vranësira të pakta lokale. Pasdite rrallë në disa rajone mund të ketë ndonjë rigë ose rrebesh të izoluar shiu.
Temperaturat pritet të luhaten nga 7 minimalja deri në 22 apo 23 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi e Premtja pritet të kushtëzojë mot me diell dhe vranësira të pakta lokale. Zhvillime të rrebesheve të izoluara parashihen diku në jug të Shqipërisë në lokacione kryesisht kodrinore-malore. Temperaturat pranverore në tërë rajonin e në disa vise të Shqipërisë edhe verore.
E shtuna vjen me mot kryesisht me diell dhe me vranësira të pakta lokale, ndërsa erërat verilindore do të intensifikohen. Temperaturat do të shënojnë ulje të lehta pikërisht për shkak të këtyre erërave. Reshje nuk pritet të ketë.
E diela më e qetë dhe me diell e rritje të temperaturave.
Reshje atmosferike të cilat tani janë të nevojshme priten gjatë javës së re./MeteoBallkan
