Një masë e pazakontë e ftohtë ajrore pritet të depërtojë në Gadishullin Ballkanik pikërisht në fillim të pranverës 2020.
Deri të dielën do të kemi mot të vërtetë pranveror, kurse nga e diela do të fillojë destabilizimi i fuqishëm i motit ku fillimisht do të kemi shtim të konsiderueshëm vranësirave, erëra veriore dhe verilindore, reshje shiu të cilat pritet të shndërrohen në reshje dëbore.
Temperaturat do të shënojnë ulje ekstreme për këtë periudhë kohore veçanërisht në viset kontinentale të rajonit dhe ky nuk është lajm i mirë për vegjetacionin e hershëm në rajonin tonë. Megjithatë, në kohën kur vije përkeqësimi i motit do të jetë shumë me rëndësi nëse moti do të kthjellohet ose jo gjatë netëve dhe kjo do ketë rëndësi të madhe për vegjetacionin.
Evoluimi i gjendjes sinoptike është ende në proces e sipër dhe disa ndryshime të vogla do të ndodhin gjithsesi. Të shpresojmë që i ftohti i paralajmëruar nga të gjitha modelet globale të paktën të zbutet pak dhe të ketë sa më pak dëme tek lulet e pemëve dhe kulturat bujqësore.
Ne do ta përcjellim evoluimin e gjendjes sinoptike dhe do ju lajmërojmë për detaje tjera në postimet tona të ardhshme./Meteoballkan
