Seizmologët kroatë kanë paralajmëruar mundësi për tërmete të reja në Kroaci në javët apo muajt në vijim, për shkak të rritjes së aktivitetit seizmik në vend.
Sot në orët e para të mëngjesit, Zagrebi është lëkundur nga një goditjee e fuqishme. Magnituda e parë prej 5.3 ballësh, është përcjellë nga të tjera pasgoditje.
Pas tërmeteve të mëngjesit, ka ardhur reagimi i Institutit Seizmologjik të Kroacisë, shkruan MeteoBallkan.
LEXO EDHE: Një 15-vjeçar, viktima e parë e tërmetit në Kroaci
“Miq të nderuar, ndodhi ajo që e kemi paralajmëruar gjatë gjithë kohës: një tërmet i fuqishëm në Zagreb. Nuk ishte shumë shkatërrues, por as nuk mund të themi se ka shkaktuar ndonjë katastrofë. Janë shkaktuar dëme, veçanarisht në pjesën e vjetër të qytetit. Shërbimet seizmike janë jashtë funksionit momentalisht, por seizmologët janë në veprim. Mos bëni panik, por duhet ta dini se aktiviteti seizmik do të rritet në javët e muajt e ardhshëm. S’mund të themi se a do të goditemi nga një tërmet i fortë apo jo, por mund të presim dhjetëra tërmete me magnitudë 4.0, qindra me magnitudë 3.0 e mijëra tërmete me magnitudë 2.0. Nuk do të jenë tërmete shumë shqetësuese, por as nuk do të sjellin ndonjë kënaqësi. Do të mësoheni dikur”, thuhet në njoftimin e Institutit.
Deri tani është raportuar i vdekur një fëmijë 15-vjeç si pasojë e tërmetit dhe disa të lënduar. Ndërkaq, dëmet materiale janë të shumta, por nuk është bërë ende një bilanc definitiv. /MeteoBallkan/
